Paplajahan 1: Tresna Kapinin Musuh
(Lukas 6:27-36)
1
27 Raris Hyang Yesus ngandika malih sapuniki,
“Nanging Tiang ngraos tekening ragane ane ningehang Tiang:
welas asih ja tekening musuh-musuh ragane,
tur malaksana ja ane melah tekening anake ane ngedegin ragane.
28 Tunas icayang ja anake ane mastu ragane tur tunas icayang pada anake ane malaksana jele tekening ragane.
29 Umpama ada anak ane namplak pipin ragane ane kebot,
serahin ja pada pipi ane kenawan.
Yening ada anak maksa nyuang jubah ragane,
baang ja pada bajun ragane.
30 Buina yening ada anak ane ngidih tekening ragane,
baang ja ngidih.
Tur yening ada anak maksa nyuang pagelahan ragane,
eda ja tagiha buin.
31 Apa ja ane edotin ragane apanga laksanayanga tekening anake len,
malaksana ja buka keto malunan.
32 “Yening ragane welas asih tekening anake ane welas asih dogenan,
tusing ja ada upahne di warga.
Krana anake ane madosa pada malaksana buka keto.
33 Tur yening ragane malaksana melah tekening anake ane malaksana melah dogenan,
tusing ja ada upahne di swarga.
Krana anake ane madosa pada malaksana buka keto!
34 Yening ragane masilihang pipis tekening anake ane nyidayang nguliang,
sujatine tusing ja ada upahne di swarga.
Anake ane madosa masih masilihang pipis tekening anake madosa laut nagih pipise ento buin.
35 Nanging welas asih ja teken anake ane ngamusuhin ragane tur malaksana becik ja teken ia.
Buina pasilihang ja pipise nanging eda mapineh apanga ulianga buin.
Ento mawinan gede upah ragane di swarga tur ragane pantes dadi putra wiadin putrin Sang Hyang Pengardi sane Maha Luhur.
Sawireh Ida welas asih tekening anake ane tusing bisa ngaturang suksma lan tekening anake ane jaat.
36 Sapatutne ragane welas asih sekadi Sang Hyang Pengardi,
sane dados Ajin ragane sane welas asih.”